François Kanimba

François Kanimba ni impuguke n'inararibonye mu bukungu n'ibarurishamibare.

François Kanimba
Francais kanimba in 2013 in Delhi

Ubuzima bwe n'amashuri yizeEdit

François Kanimba yavutse taliki kuwa 18 werurwe 1958, avukira mu Murenge wa Kamegeri, mu Karere ka Nyamagabe (hahoze ari Gikongoro). Ababyeyi be bari abahinzi, iwabo uretse Kanimba Francois abandi kwiga byarabananiye, bava mu ishuri bajya gucuruza. Kanimba yize amashuri abanza kuva mu 1963 kugera 1971, amashuri y'isumbuye yayize mu ishuri ry'isumbuye rya Runyombyi kuva mu 1971 kugera 1977. Kanimba kandi yize muri kaminuza i Paris mu Ubufaransa aho yize ibijyanye ni ibarurishamibare mu ubukungu kuva mu 1977 kugera mu 1983.[1]

Imirimo yakozeEdit

François Kanimba arangije amashuri yagarutse mu Rwanda aho kuva mu mwaka wa 1984 kugera 1995 yabaye umuyobozi mukuru muri Minisiteri y'igenamigambi ya Leta. Kuva mu 1995 yagiye gukora mu ishami rya Banki y'isi i Kigali nk'impuguke mu bukungu. Kanimba yabaye visi guverineri wa Banki nkuru y'u Rwanda kuva mu 2000 kugera mu 2002. Nyuma yabaye guverineri wa Banki nkuru y'u Rwanda kuva mu 2002 kugera mu 2011. Kanimba kandi yabaye Minisitiri w'inganda n'ubucuruzi kuva muri 2011 kugera mu 2017, Kanimba kandi niwe watangije polite ya Leta y'ibikorerwa mu Rwanda (Made in Rwanda) mu mwaka wa 2015[2]. kuva muri kanama 2020 Kanimba ni Komiseri ushinzwe Isoko Rusange, Ubukungu, Ubucuruzi n’imari by’umuryango w’ubukungu w’ibihugu byo muri Afurika yo hagati (ECCAS).[3]

Ibindi warebaEdit

RebaEdit

  1. https://umubavu.com/amateka/article/AMWE-MU-MATEKA-YA-MINISTER-Francois-KANIMBA
  2. https://www.igihe.com/amakuru/u-rwanda/Kanimba-Francois-Imyaka-34-mu-bukungu-bw-u-Rwanda
  3. https://www.newtimes.co.rw/news/kanimba-appointed-eccas-commissioner