Uburobyi

Uburobyi

uburobyi

ifi

Ubworozi bw’amafi n’uburobyi

Clupea harengus Gervais.flipped

Kuva mu mwaka w’2000, umusaruro w’amafi wagiye wiyongera buhoro buhoro kugera mu mwaka wa 2004. Mu mwaka w ‘2005, umusaruro wagabanutseho gato. Mu gihe cyakurikiyeho, kuva mu mwaka wa 2006, kubera ko hakozwe ibikorwa byinshi bigamije kongera umusaruro w’amafi, umusaruro wagiye uzamuka buri mwaka ku buryo bukurikira: muri 2000 habonetse toni 6996, muri 2001 habonetse toni 7 308, muri 2002 habonetse toni 7 600, muri 2003 habonetse toni 7 600, muri 2004 habonetse toni 8 126, muri 2005 habonetse toni 8 089, muri 2006 habonetse toni 8 300, muri 2007 habonetse toni 8 900, muri 2008 habonetse toni 11 682, muri 2009 habonetse toni 10835

Abarobyi mu kiyaga cya Kivu mu Rwanda

Imbonerahamwe igaragaza uko umusaruro w’amafi wagiye wiyongera 2000-2009:

N°	Umwaka	Umusaruro, toni	Ikinyuranyo, toni
1	2000	6996
2	2001	7308	312
3	2002	7600	292
4	2003	7600	0
5	2004	8126	526
6	2005	8089	-37
7	2006	8300	211
8	2007	8900	600
9	2008	11682	2782
10	2009	10835	-847
	Igiteranyo		3839

Harwanyijwe isuri ku misozi yegereye ibiyaga, hashyizweho abarinzi b’ibiyaga na za komite zo kubungabunga uburobyi zigizwe n’abarobyi ubwabo, hatanzwe amahugurwa menshi n’ingendoshuri ku bakora umurimo w’uburobyi n’ubworozi bwo mu mazi bigamije kubongerera ubushobozi kugirango bashobore kuzamura umusaruro uturuka kuri uwo murimo.

Hakozwe inyigo yo gutunganya no gucunga neza ibiyaga 17 by’imbere mu gihugu. Inyigo yakozwe yagaragaje ko uburobyi bwonyine budashobora guhaza abaturarwanda ku mafi uko byagenda kose, akaba ariyo mpamvu u Rwanda rugomba gushyira ingufu nyinshi mu bworozi bw’amafi mu byuzi, mu bidendezi no mu bigobe by’ibiyaga mu buryo bushoboka bwose hakoreshejwe imbuto y’amafi nziza itanga umusaruro mwinshi kandi vuba. Ni muri urwo rwego hashyizweho ishami rya gatatu ry’Umushinga PAIGELAC rizakorera mu Ntara y’Amajyepfo n’iy’Iburengerazuba, rikazateza imbere by’umwihariko ubworozi bw’amafi mu byuzi no mu bidendezi muri izo ntara zombi.

Umurobyi atwaye ubwato bwa gakondo

Hakurikijwe iyo nyigo, haguzwe imbuto y’amafi ya Oreochromis niloticus (Tilapia nilotica) imu gihugu cya Uganda, ikaba yarakuwe mu kiyaga cya Albert.