Rose Mukantabana

Rose Mukantabana (wavutse ku ya 31 Kanama 1961) ni umunyamategeko uharanira uburenganzira bw'umugore. Yahoze ari Perezida w’Umutwe w’abadepite mu Rwanda kandi ni we mugore wa mbere watorewe uwo mwanya. Yatorewe kuba umuyobozi w’umuryango w’inteko ishinga amategeko nyafurika kuva 2013-2015.

Ubuzima bwa Biografiya

Nyanza aho Rose yavukiye

Kaminuza Rose yakuyemo impamyabumenyi yihariye mu burenganzira bwa muntu

Rose Mukantabana yavutse ku ya 31 Kanama 1961 mu Karere ka Nyanza, Intara y'Amajyepfo, u Rwanda . Yarangije amashuri yisumbuye atangira gukora mu bakozi ba Leta mu 1980, abanza muri Sosiyete y'u Rwanda ishinzwe ubwishingizi nyuma muri Minisiteri ishinzwe abakozi ba Leta. Mu 1992, yinjiye muri kaminuza nkuru y’u Rwanda arangiza impamyabumenyi ihanitse mu 1996. Muri uwo mwaka, yatangiye gukorera Ishyirahamwe Haguruka, umuryango utegamiye kuri leta wibanda ku burenganzira bwa muntu n’uburenganzira bw’umugore n’abana. Amaze imyaka icyenda muri iryo shyirahamwe, yatangiye kuba umufasha mu by'amategeko kandi akora kugeza ku muhuzabikorwa ushinzwe amategeko. Nyuma gusukura Umunyamabanga Nshingwabikorwa y'Igihugu, Mukantabana asubira kw'ishure. Yize mu Bubiligi, yabonye impamyabumenyi ihanitse "impamyabumenyi yihariye mu burenganzira bwa muntu" yakuye muri Université Saint-Louis Bruxelles .

Mu 2002, yabaye visi perezida wa Pro-Femmes, umuryango w’amahoro wahuzaga ingufu za ONG 43 zigamije iterambere ry’umugore n’uburenganzira. Mu 2005, yatangiye gukora nk'umuhuzabikorwa w’igihugu w’umuryango uharanira uburenganzira bw’umugore uterwa inkunga na USAID maze mu 2007, yimukira muri ActionAid International Rwanda, abanza kuba Umuhuzabikorwa w’Uburenganzira bw’umugore nyuma aba umuyobozi ushinzwe gahunda. Mu mwaka wa 2008, yatorewe kuba Umudepite uhagarariye intara y’Umujyi wa Kigali. Ku ya 6 Ukwakira 2008, yatowe na bagenzi be badepite kugira ngo abere Perezida w’Umutwe w’abadepite mu Rwanda kugeza mu 2013 ku majwi 70 kuri 100 na . Amatora ye yamugize umugore wa mbere uyoboye inteko ishinga amategeko. Mu mwaka wa 2012, yatorewe kuba umuyobozi w’umuryango w’inteko ishinga amategeko nyafurika (APU) kugeza mu 2015.