Munyaneza Dorothée

Dorothée Munyaneza (wavutse 1982) ni umuririmbyi, umukinnyi wa filime, umubyinnyi wo mu bwongereza ukomoka mu Rwanda. Yagaragaye mu bice bibiri bya filimi, Samedi Détente na Unwanted, byombi bijyanye na jenoside yakorewe abatutsi mu Rwanda muri 1994.

Dorothée Munyaneza ari Kubyina

Ubuzima bwite

Kaminuza ya Cantervuty Christ, Munyaneza yizeho ibijyanye numuziki

Munyaneza yavukiye i Kigali, mu Rwanda. Se ni umuvugabutumwa, naho nyina ni umunyamakuru. Munyaneza n'umuryango we bavuye i Kigali mu gihe cya jenoside yakorewe abatutsi mu Rwanda, igihe Munyaneza yari afite imyaka 12. Nyina yakoraga mu muryango utegamiye kuri Leta, bityo akaba yarashoboye kurinda umuryango we, ndetse abona inzira ijyera i Londres mu Bwongereza. Munyaneza yize muri Lycée Français Charles de Gaulle . Mu gihe yigaga yahuye na Christine Sigwart washinze Jonas Foundation, umuryango utabara imbabare ugamije guhuza abana babimukira n'imiryango yabo. akunda umuziki, kuko yize umuziki muri Jonas Foundation. Munyaneza yize umuziki n'ubumenyi mbonezamubano muri kaminuza ya Canterbury Christ . Ubu atuye i Marseille, mu Bufaransa, kandi afite umwana w'umukobwa.

Umwuga

Munyaneza yatewe inkunga no gukora ku ngingo ya jenoside yakorewe abatutsi mu Rwanda muri 1994 nyuma yo kubona ibyegeranyo kuri iyo ngingo, cyane cyane iyanditswe na Thierry Michel ivuga ku bikorwa bya Denis Mukwege .

Munyaneza niwe wakoze amajwi ya firime ya Hotel Rwanda . Yatangiye ari umuririmbyi n'umwanditsi w'inkuru muri firime, ariko nyuma atangira kubyina muburyo busa nuburyo yabyinnye akiri umwana mu Rwanda. Yakoranye na François Verret [ fr ], Robyn Orlin, Rachid Ouramdane [ fr ], Nan Goldin, Mark Tompkins, Ko Murobushi na Alain Buffard [ fr ] Nkumuririmbyi, yashyize ahagaragara alubumu ye ya mbere wenyine muri 2010, yakozwe na Martin Russell . Muri 2012, yakoranye n'umwongereza James Seymour Brett gukora alubumu Earth Songs . Muri 2013, yagaragaye mu gitaramo cya Rachid Ouramdane i Rennes, mu Bufaransa. Mu gitaramo, yavuze amazina y'Abanyalijeriya bishwe mu bwicanyi bwabereye i Paris mu 1961 .

Muri 2014, Munyaneza yakoze filimi Samedi Détente (kuruhuka kuwagatandatu). Yibanze kuri jenoside yakorewe abatutsi mu Rwanda, uburyo abantu 1000000 bapfuye mu minsi 100, n'ubunararibonye bwe kuri jenoside. Igikorwa cyatangiriye i Nîmes, mu Bufaransa.

Muri 2017, yakoze Unwanted, filimi ye ya kabiri ijyanye na jenoside yakorewe abatutsi mu Rwanda. Igikorwa cyagaragayemo Alain Mahé  Unwanted ifite intego yibanze kubagore bafashwe kungufu nabana babo batwite. Munyaneza yerekanye Unwanted mu iserukiramuco rya d'Avignon 2017, ndetse no muri Festival d'automne à Paris [ fr ]