Mukabaranga Agnes

Mukabaranga Agnes ni Umunyarwandakazi w'Umunyapolitiki. Mukabaranga ni umwe mu bagize Ishyaka Riharanira Demokarasi ya Gikristo (PDC) akaba n'umwe mu bagize Inteko ishinga amategeko ya Pan-Afurika ndetse akaba yarahoze mu Nteko ishinga amategeko ndetse na Sena y'u Rwanda . Ni umunyamategeko byumwuga.

Mukabaranga Agnes

Umwuga wa politiki

Mukabaranga yagizwe umunyamuryango wa mbere mu Nteko ishinga amategeko muri Leta y’inzibacyuho nyuma ya jenoside yakorewe abatutsi mu Rwanda mu mwaka 1994 Mu mwaka 2003, itegeko nshinga rihoraho ryemejwe mu gihugu ryashyizeho igihugu cy’amashyaka menshi gifite inteko ishinga amategeko igizwe na sena n’umutwe w’abadepite. Mukabaranga yagizwe senateri nyuma yo gutorwa kwa Perezida Paul Kagame agatorerwa kuba perezida wa mbere mu itegeko nshinga rishya. Yari umwe mu bagore 39 batowe cyangwa bashyizwe mu nteko ishinga amategeko muri uwo mwaka, ugereranije n'abagabo 41. Yarahiriye guharanira ubutabera n'ubwiyunge mu gihugu nyuma ya jenoside, yashimangiye uruhare rw'umugore muri iki gikorwa, agira ati: "Abagore biteguye kurushaho kumvikana, bakunda amahoro kandi bafasha mu bwiyunge.

Mu mwaka 2013, mbere yo kuva muri sena, Mukabaranga yatorewe manda y'amezi atandatu nk'umuvugizi w'ihuriro ry’igihugu ngishwanama ku mashyaka ya politiki ( National Consultative Forum), uruhare yagize ku bufatanye na Sylvie Mpongera wo mu ishyaka rya Gisosiyalisiti ry’u Rwanda (Rwanda Socialist Party, PSR).

Ubuzima bwite

Mukabaranga Agnes yabuze abavandimwe be muri jenoside yakorewe abatutsi mu Rwanda, kandi ni umubyeyi w'Abana bane.