Wikipedia

Lous and the Yakuza

Marie-Pierra Kakoma (yavutse 27 Gicurasi 1996), uzwi cyane nka Lous and the Yakuza, ni umuraperi, umwanditsi w'indirimbo n'umunyamideli ukomoka mu Rwanda na Kongo ariko utuye mu Bubiligi[1][2]. Yamenyekanye cyane nyuma yo gushyira ahagaragara indirimbo ye ya mbere "Dilemme" muri Nzeri 2019, ikurikirwa na "Tout est gore" mu Kuboza 2019 na "Solo" muri Werurwe 2020. Album ye ya mbere, Gore, yakozwe na El Guincho, yasohotse ku ya 16 Ukwakira 2020[3].

LousandtheYakuza

Ubuzima bwo hambere

hindura

Lous amazina bwite ni Marie-Pierra Kakoma yavukiye i Lubumbashi, muri Zayire ( Repubulika Iharanira Demokarasi ya Kongo y'ubu) ku ya 27 Gicurasi 1996. [4] [5] Ababyeyi be bari abaganga bakomeye muri Repubulika Iharanira Demokarasi ya Kongo igihe yavukaga. Se w'umunyacongo yari umuganga w'abagore, naho nyina w'umunyarwanda yari umuganga w'abana . [6] [7] [8] Nyina wa Kakoma yafungiwe muri Kongo amezi abiri mu ntambara ya kabiri ya congo mu 1998 azira ubwoko bwe. Se amaze kubona ko nyina arekuwe, bahungiye mu Bubiligi ari kumwe na bashiki ba Kakoma. Kakoma na barumuna be basigaye baje gusanga nyina mu Bubiligi nyuma yimyaka ibiri mu 2000, mugihe se yagumye muri congo. [9] Uyu muryango wimukiye mu Rwanda mu 2005 mbere yo gusubira burundu i Buruseli muri 2011. [7] [9]

Ishyaka rya Kakoma ryo kuririmba ryatangiye akiri muto mu gihe yari akikijwe n'umuziki kubera ko se yakundaga indirimbo za kera za Mozart, Chopin, Vivaldi, na Beethoven bose babanyaburayi.

 
Lous and the Yakuza en 2022

Yatangiye kwandika umuziki we afite imyaka irindwi. Umuryango we wimukiye mu Bubiligi afite imyaka 15, yatangiye kwandikira Columbia Records yizeye ko azasinyishwa muri label. [10] Ku myaka cumi n'umunani, Kakoma yaciwe intege n'ababyeyi be bamubuza kuba umuririmbyi, ngo abe umuganga, maze afite imyaka cumi n'icyenda, yirukanwa mu rugo iwabo. [11] [12] Mu gihe cyo kubura aho kuba, yabaye mu mihanda amezi menshi mbere yo gutura muri sitidiyo y’umuziki, aho yararaga akandika umuziki, mu gihe yagendaga akora indirimbo zimwe na zimwe. Mu myaka itatu, Kakoma yakoze indirimbo 52, harimo EP zirindwi. [12] Muri 2016, yagaragaye mumashusho y'indirimbo "BruxellesVie" yumuhanzi w'umubiligi Damso . [13]

Umwuga

hindura

Kakoma yakiriye izina Lous and the Yakuza arikuye ku bugingo(soul), isoko y'ishyaka rye rya muzika, na Yakuza, umutwe w'abagizi ba nabi wateguwe n'Ubuyapani, izina akoresha mu gusobanura "crew" y'abafatanyabikorwa yishingikirizaho mu guhanga umuziki we . Lous yavumbuwe bwa mbere n’ushinzwe kumureberera inyungu, Miguel Fernandez, amaze kubona ko yasohotse kuri interineti. Guhera mu 2017, yamenye ko ashishikajwe no gukora alubumu, asaba inshuti ze magara gushinga itsinda riyishyigikira, yatangiye kuririmbira ahera mu tubari no mu tubyiniro twa nijoro i Buruseli . Mu mpera za 2017, Lous yatumiriwe gukora acoustic ya La ChillZone, nyuma asinya muri Columbia Records ibinyujije muri Sony Music yo mu Bufaransa, afite imyaka 22. [12] [13] Ku ya 15 Kamena 2018, hasohotse "Le Ridicule Ne Tue Pas", ku bufatanye bwa Lous na Yakuza n'itsinda rya elegitoroniki rya BSSMNT. [14] [15]

Nyuma y’amezi atandatu ashakisha producer uhuza ibyifuzo bye, Kakoma yahisemo producer El Guincho wo muri Espagne, nyuma yakazi ke ku ndirimbo ya " Malamente " ya Rosalía . Lous yasohoye indirimbo yabo ya mbere "Dilemme" ku ya 19 Nzeri 2019, yakozwe na El Guincho na Ponko. [16] [17] Iyi ndirimbo yatumye Kakoma amenyekana cyane, ikusanya miliyoni zirenga 20 kuri Spotify, miliyoni 8.9 zerekanwe kuri YouTube, ikaza ku mwanya wa mbere kuri Spotify Italia ya Viral 50. [17] [18] Amashusho y'indirimbo, yayobowe na Wendy Morgan, yerekana indangamuntu zitandukanye Lous afite ahantu hatandukanye, hagamijwe kwerekana ubuzima bwe kuva muri Congo yerekeza mu Bubiligi. [19] Ku ya 1 Mata 2020, remix irimo umuraperi w’umutaliyani Tha Supreme n’umutaliyani Mara yashyizwe ahagaragara[17].

Muri Red Bull Elektropedia Awards 2019, Lous and The Yakuza yegukanye umudari wa feza mu cyiciro cya "Fresh on the Scene". [20] Indirimbo ya kabiri ya Lous, "Tout est gore", nayo yakozwe na El Guincho, yasohotse ku ya 6 Ukuboza 2019. [20] Iyi ndirimbo imaze kumenyekana nyuma yuko umukinnyi wa filime Issa Rae asakaje amashusho kuri videwo ku mbuga nkoranyambaga. [21] Ku ya 20 Werurwe 2020, Lous yasohoye indirimbo ye ya gatatu yise "Solo", hamwe n'amashusho y'indirimbo yakozwe na Wendy Morgan na Kevin Bago. [22] Filime ngufi bifitanye isano, yiswe "Solo (Itangiriro)" yasohotse ku ya 14 Mata 2020. [23] Indirimbo zose uko ari eshatu zashyizwe kuri alubumu ye ya mbere, Gore, yakozwe na El Guincho. Ubusanzwe byari biteganijwe ko izasohoka ku ya 5 Kamena 2020, alubumu yaje gutinda kugeza mu mwaka wa 2021. [18] [24]

Ku ya 27 Gashyantare 2020, Kakoma yasinyiye kujya yerekana inzu yimyambariro y'umufaransa Chloé. [25] Muri Werurwe 2020, Lous and the Yakuza yashyizwe muri gahunda ya Spotify ya RADAR, igamije kwagura abahanzi ku isi hose binyuze ku mbuga nkoranyambaga. [24]Ku ya 26 Gashyantare 2021, yasohoye indirimbo ye "Je ne sais pas", irimo umuraperi wo mu Butaliyani Sfera Ebbasta . [26] Ku ya 4 Werurwe, yaririmbye mu iserukiramuco rya muzika rya Sanremo 2021 muri duet hamwe na Gaia, hamwe n'indirimbo Mi sono innamorato di te ya Luigi Tenco . [27] Ku ya 8 Kanama, yifatanyije na Woodkid mu birori byo gutanga ihererekanyabubasha kuva mu mikino Olempike ya Tokiyo 2020 yerekeza i Paris 2024. [28]Umuziki wa Kakoma wasobanuwe nk "" silky "ihuza TRAP, R&B, na pop . [29]

Ishusho rusange

hindura

Kakoma azwiho isura rusange, ni ukuvuga ikimenyetso gishushanyijeho ku gahanga, cyasobanuwe nk'inyuguti 'Y' n'akadomo hagati kandi kikagereranya n'ikimenyetso cy'urukundo rwa Prince # 2 . Kakoma ubwe yahimbye ikimenyetso, cyiswe les mains levées vers le ciel (amaboko yazamuye yerekeza mu kirere), nk'ikimenyetso kigamije kugereranya amaboko abiri ahuza isi n'ijuru. Ukwizera kwe kw'idini no kwizera Imana byamubereye intandaro yo kurema ikimenyetso. [6] Lous yamenyekanye kandi kumyambarire ye nuburyo bwe, yakuye ku bahanzi nka FKA Twigs na Erykah Badu . [17]

Ubuzima bwite

hindura

Nk'umwana, Kakoma yakundaga umukino bita 'manga' kandi yabonaga ashishikajwe ninsanganyamatsiko zijyanye namateka ya muntu, cyane cyane ubutwari n'ibikorwa by'intwari, nkibisobanuwe mu byanditswe na Cicero . Mu kubyiruka kwe, yari umukinnyi wa siporo kandi yanakinnye umupira w'amaguru w'abanyamerika imyaka irindwi kubera ko yari ashishikajwe na Eyeshield 21 . [30] Kakoma yakoze ubushakashatsi bwo kwandika nk'uburyo bwo kwerekana kuva mu bwana, igihe ashishikajwe no kuba umwanditsi w'ibitabo byamuteye kwandika impapuro zirenga 300 z'uburebure. [30] Usibye umuziki n'imyambarire, Lous n'umuhanga cyane, gushushanya bisanzwe,gushushanya imyenda no gukora 'manga' nibishushanyo mbonera . [30]

Amashakiro

hindura
  1. ↑ "Archive copy". Archived from the original on 2022-05-08. Retrieved 2022-05-08.{{cite web}}: CS1 maint: archived copy as title (link)
  2. ↑ https://inyarwanda.com/inkuru/116747/umunyarwandakazi-lous-and-the-yakuza-yasinye-muri-label-ya-jay-z-116747.html
  3. ↑ "Archive copy". Archived from the original on 2022-05-08. Retrieved 2022-05-08.{{cite web}}: CS1 maint: archived copy as title (link)
  4. ↑ https://twitter.com/ColumbiaUK/status/1265651700087640064
  5. ↑ "Archive copy". Archived from the original on 2022-05-17. Retrieved 2022-05-08.{{cite web}}: CS1 maint: archived copy as title (link)
  6. ↑ 6.0 6.1 https://www.lexpress.fr/styles/vip/rencontre-avec-lous-the-yakuza_2120498.html
  7. ↑ 7.0 7.1 https://www.la-croix.com/Culture/Lous-and-the-Yakuza-sabre-clair-2019-12-08-1301065115
  8. ↑ https://www.vanityfair.fr/culture/story/lous-and-the-yakuza-plus-belle-promesse-du-rb-francophone/10752
  9. ↑ 9.0 9.1 https://www.dazeddigital.com/music/article/48882/1/lous-and-the-yakuza-interview
  10. ↑ https://www.lesinrocks.com/2019/10/03/musique/musique/groupe-a-suivre-lous-and-the-yakuza-la-nouvelle-sensation-pop-venue-de-belgique/
  11. ↑ https://yard.media/interview-lous-and-the-yakuza/
  12. ↑ 12.0 12.1 12.2 https://www.rtbf.be/emission/dma/detail_lous-the-yakuza?id=10384505
  13. ↑ 13.0 13.1 https://www.konbini.com/fr/musique/lous-and-the-yakuza-warm-up/
  14. ↑ https://www.tsugi.fr/lous-and-the-yakuza-debarque-sur-la-scene-belge-avec-un-premier-titre-clippe-dilemme/
  15. ↑ https://music.apple.com/ca/album/le-ridicule-ne-tue-pas-feat-lous-and-the-yakuza-single/1394527150
  16. ↑ https://www.jeuneafrique.com/843300/culture/poesie-douceur-et-resilience-lous-and-the-yakuza/
  17. ↑ 17.0 17.1 17.2 17.3 https://www.nssgclub.com/en/fashion/21598/lous-and-the-yakuza-remix-dilemme-ft-tha-supreme-mara-sattei
  18. ↑ 18.0 18.1 https://www.glamourparis.com/culture/actu-musique/articles/lous-and-the-yakuza-de-la-difficulte-detre-une-femme-noire/79358
  19. ↑ https://www.okayafrica.com/lous-and-the-yakuza-dilemme-video/
  20. ↑ 20.0 20.1 https://texxandthecity.com/2019/12/meet-congolese-queen-lous-and-the-yakuza-through-her-bloody-video-for-tout-est-gore/
  21. ↑ https://www.essence.com/entertainment/issa-rae-introduced-new-favorite-artist-lous-and-the-yakuza/
  22. ↑ https://www.thefader.com/2020/03/21/lou-and-the-yakuza-video-solo
  23. ↑ https://afropunk.com/2020/04/lous-and-the-yakuza-solo-genesis-documentary/
  24. ↑ 24.0 24.1 https://newsroom.spotify.com/2020-05-22/meet-lous-and-the-yakuza-the-belgian-artist-who-can-sing-in-any-language/
  25. ↑ https://www.lofficiel.be/mode/lous-and-the-yakuza-etait-la-star-du-defile-chloe-automne-hiver-2020-2021
  26. ↑ https://www.sonymusic.ca/press_release/lous-and-the-yakuza-releases-new-track-je-ne-sais-pas-feat-sfera-ebbasta
  27. ↑ https://www.20minutes.fr/arts-stars/culture/2991167-20210305-sanremo-2021-lous-and-the-yakuza-fait-sensation-festival-chanson-italienne
  28. ↑ https://www.rtbf.be/tipik/musique/detail_lous-and-the-yakuza-et-pomme-ont-rejoint-woodkid-pour-rythmer-la-ceremonie-de-passation-des-jeux-olympiques?id=10821150
  29. ↑ https://www.onestowatch.com/blog/lous-and-the-yakuza-solo
  30. ↑ 30.0 30.1 30.2 https://intrld.com/interview-lous-and-the-yakuza/
Garura kuri "https://rw.wikipedia.org/w/index.php?title=Lous_and_the_Yakuza&oldid=108112"