Alvera Mukabaramba

Alvera MUKABARAMBA ni umunyarwandakazi wavukiye mu Rwanda kuwa 9 Werurwe 1960, ni umuganga w'abana ndetse akaba n'umunyapolitike kuva mu mwaka 1999 kurubu atuye mu murwa mukuru wa Kigali mu Rwanda.

AMASHURI YIZE

Hon. Alvera Mukabaramba afite impamyabumenyi y'ikirenga (Doctorate) mu buganga yakuye muri kaminuza ya First Pavlov State Medical University, iri mu mujyi wa St. Petersburg mu igihugu cy' Uburusiya. Ni inzobere mu ubuganga no kwita k'umikurire y' abana (PhD in pediatrics) ndetse kaminuza yamuhembye impamyabumenyi y'ikirenga (doctorate) muri Philosophy.

AKAZI (UMWUGA)

Hon. Alvera Mukabaramba yinjiye muri politic y'u Rwanda mu 1999, icyo gihe yari abaye umwe mubagize inteko y'inzibacyuho y'ighugu (National Transitional Assembly) kugera mu mwaka wa 2003. Kuva muri uwo mwaka wa 2003 kugera mu kwezi k' ukwakira 2011, yari umusenateri mu inteko ishinga amategeko y'u Rwanda ( Rwanda's bicameral parliament). Kuva tariki ya 10 Ukwakira 2011 yagizwe minisitiri wa leta ushinzwe imibereho myiza n'iterambere muri minisiteri y'ubutegetsi bw'ibanze ( Ministry of local government) aho yari asimbuye Chrisitne Nyatanyi wari umuze kwitaba Imana mu ibitaro by'Iburuseli mu Bubiligi, kuva icyo gihe, yagumishijwe muri guverinoma kandi agumana inshingano ze mu ivugurura ry'abaminisitiri, harimo n'iryo kuri 31 Kanama 2016, hanyuma akomerezaho kuba umunyamabanga wa leta ushinzwe imibereho myiza y'abaturage kugera mu mwaka wa 2019. Ubu ni umusenateri akaba na visi perezida sena ushinzwe imari n'ubuyobozi kuva 2019 kuzagera 2024 aho manda yabo izaba irangiye.