Alexia Mupende

Alexia Uwera Mupende (17 Ugushyingo 1984 - 8 Mutarama 2019) yari umunyamideli w’umunyarwandakazi, umukinnyi w’amafirime n’inzobere mu bijyanye n’isiporo rusange z'ifasha umubiri, igihe yapfaga, yari umuyobozi mukuru muri Waka Fitness, i Kigali, umurwa mukuru w’u Rwanda.

Amavu n'amavuko

Alexia Uwera yavukiye muri Kenya . Yize amashuri muri Uganda, ahabwa impamyabumenyi y'amashuri makuru muri Namasagali College mu Karere ka Kamuli . Yakomeje kubona impamyabumenyi y'amashuri yisumbuye muri St. Lawrence College, muri Uganda. Nyuma yibyo yimukiye mu Rwanda aho yarangirije impamyabumenyi ya Bachelor of Information Technology yakuye muri kaminuza y'u Rwanda .

Umwuga

Alexia Mupende yari umunyamideli mpuzamahanga, wari uhagarariye u Rwanda, mu birori by'imyambarire yabereye i Kampala muri Uganda, Geneve mu busuwisi, Dubai, United Arab Emirates, Colombo, Sri Lanka na Mumbai, mu Buhinde. Kugira ngo yongere amafaranga yinjiza, yabaye umuyobozi mukuru wa Waka Fitness, club ya fitness mu mujyi wa Kigali.

Urupfu

Ku mugoroba wo ku wa kabiri, 8 Mutarama 2019, umurambo wa Alexia Uwera Mupende wabonetse muri kimwe mu byumba byo kuraramo kwa se mu Murenge wa Nyarugunga, mu Karere ka Kicukiro, mu nkengero z'umujyi wa Kigali. Yari yatewe icyuma inshuro nyinshi. Abashinzwe umutekano mu Rwanda batangaje ko barimo gushakisha Antoine Niyireba, ufite imyaka 23, wari umukozi wo mu rugo kwa nyina wa nyakwigendera. Niwe wakekwagaho ubwicanyi.

Ibindi bitekerezo

Igihe yapfaga, yateganyaga gushyingirwa muri Gashyantare 2019, kandi ubutumire bw'ubukwe bwari bwashyizwe ahagaragara.