Ubucukuzi bw'amabuye y'agaciro mu Rwanda

Ubucukuzi bw'amabuye y'agaciro mu Rwanda bugizwe N'amabuye y'agaciro nka tin, tantalum, na tungsten. Mu mwaka wa 2020, u Rwanda rwinjije amadolari ya Amerika miliyoni 733 avuye mu bicukuzi bw'amabuye y'agaciro yoherezwa mu mahanga, byatumye ubucukuzi bw'amabuye y'agaciro ari bwo bukomera mukwinjiza amafaranga menshi mu bucuruzi nyuma y'ubukerarugendo.

Sosiyete icukura amabuye y'agaciro ya Bugurama tungsten mu Rwanda.

Mu mwaka wa 2019, iki gihugu cyari icya 7 ku isi hose mu bihugu bitanga tungsten kandi kikaba icya 12 ku isi hose mu bihugu bitanga tin.

Amabuye y'agaciro acukurwa

• Cassiterite (kasegereti) yari afite umusaruro mwinshi n’ibyoherezwa mu mahanga byari toni zigera ku 3,874 zifite agaciro ka miliyoni 42,2 by'amadolari ya Amerika mu mwaka wa 2010 (habayeho ukamanuka kwa toni 4,269 mu mwaka wa 2009);

• Yakurikiwe na coltan ifite toni 749 mu mwaka wa 2010 ifite agaciro ka miliyoni 18,48 z'amadolari ya Amerika (toni 949 mu mwaka wa 2009), na wolfram (ubutare bwa tungsten) hamwe na toni 843 mu mwaka wa 2010 zifite agaciro ka miliyoni 7,1 z'amadolari ya Amerika, zikamanuka kuri toni 874 mu mwaka wa 2009.

• U Rwanda rutunganya hafi 9% ya tantalum ku isi, ikoreshwa mu gukora ibikoresho bya elegitoroniki, hamwe na 4% bya tungsten ku isi.

Amabuye

Mu kwezi ku Kwakira mu mwaka wa 2012, Minisiteri y’Umutungo Kamere w’u Rwanda yahagaritse ibikorwa by’ubucukuzi bw’amabuye y'agaciro mu ntara y’iburengerazuba bw’igihugu hashingiwe ko babangamiye uruzi rwa Sebeya . Iki cyemezo cyakemuwe nabi bitewe n’amasosiyete y'ubucukuzi bw’amabuye y'agaciro yatakaje umusaruro ndetse no gutakaza akazi ibihumbi n’ibihumbi ku bakozi bakora mu birombe.