Rebecca Naa Dedei Aryeetey

Rebecca Naa Dedei Aryeetey (1923 - 22 Kamena 1961) uzwi kandi ku izina rya Dedei Ashikishan, yari umudamu ukora umwuga w'ubucuruzi muri Gana, yari umunyapolitiki. Yari azwi cyane ku bucuruzi bw'ifu muri Accra . Niwe mugore kandi ugaragara ku giceri cya 50 cy'amaPesewas.

Ifoto ya 50 pesewas igiceri hamwe n'ishusho ya Rebecca Naa Dedei Aryeetey

Ubuzima bwo hambere

Rebeca Naa Dedei yavutse mu mwaka wa1923, avukira ahitwa Osu akurira mu mujyi wa James, wo muri Accra. Nyina na se bakomoka muri Ga Asere na Osu.

Umwuga

Nyuma yo kwiga amashuri abanza, Naa Dei yahise akora ubucuruzi bw'ifu. Byatumye aba umukire kandi ukomeye cyane mu bucuruzi yakoraga bw'ifu bwamuhesheje izina ry'akabyiniririo rya 'Ashikishan', rikaba ijambo ryo mu rurimi rwitwa Ga rifite igisobanuro cy'ifu. Yari azwiho kuba umunyemari mukuru w'ishyaka rya CPP icyo gihe kandi yayoboye ibikorwa by'abagore ba CPP iwe i Kokomlemle - Accra. Nk'umunyapolitiki uharanira inyungu za CPP, yiyamamaje kandi atera inkunga Nkrumah n’ishyaka rya CPP kandi yagize uruhare runini mu gihe cyo guharanira ubwigenge bwa Gana. Yateye inkunga Nkrumah kugira ngo atsindire intebe y’inteko ishinga amategeko ya Ashiedu Keteke bituma aba Minisitiri w’intebe wa mbere wa Gana.

Urupfu

Kuba yari umuntu wa hafi ya Nkrumah byatumye aba umwanzi w’ishyaka rya politiki ryari ihanganye bivugwa ko aribyo byamugejeje no kugupfa hakiri kare. Yapfuye urupfu rubabaje mu gikorwa cya CPP i Ho ku ya 22 Kamena 1961 afite imyaka 38. Byaravuzwe ko abarwanashyaka ba politiki n’abagore bahawe uburozi muri icyo gikorwa nyuma yo gufata icyayi gishyushye ubwo yinubira ububabare bwo mu gifu.

Icyubahiro

Bisi zifite amagorofa abiri zazanywe mu mujyi wa Accra zizanywe na Harry Sawyer zahise zitiriwa 'Auntie Dedei', yari afite kandi ishusho ye kuri kashe y'igihugu ndetse no ku giceri cya 50 cya pesewa cya Gana, byose mu rwego rwo kumwibuka no kumuha icyubahiro.

Ihuza ryo hanze

• Raporo y'umwaka wa Banki ya Gana 2007