Intore z’Inkomezabigwi z' Akarere ka Rwamagana

Urugerero rw’Inkomezabigwi icyiciro cya 11 mu akarere ka Rwamagana, urubyiruko rwasabwe kwigira ku muco w’abanyarwanda bo hambere w’ubukorerabushake.

Amateka

Kuwa 19 Ukuboza mu murenge wa Muhazi mu kagari ka Kabare niho hashorejwe urugero rw’Intore z’Inkomezabigwi ku rwego rw’Akarere, muri uwo muhango waranzwe no kumurika bimwe mu bikorwa byakozwe n’izi ntore, ni umunsi kandi wahujwe n’uw’ubukorerabushake usanzwe wizihizwa ku wa 05 Ukuboza.

Umuyobozi w’Imirimo rusange mu Karere ka Rwamagana Hagenimana Jean Damascène ubwo yafataga ijambo ryo gusoza urugerero rw’Inkomezabigwi Icyiciro cya 11/2023 yagize ati:”Tubakeneye nk’abakorerabushake ariko bafite disipline kuko tuzi ko mwayitojwe, mu kinyarwanda baravuga ngo ubuze imfura ata ibiheko, niyo mpamvu tubakeneye kugira ngo mubere icyitegererezo barumuna banyu, nubwo musoje Urugerero ntabwo birangiye turabakeneye mu bukorerabushake.