Indwara y'Ise

Ise ni imwe mu ndwara zifata uruhu, iterwa n’agakoko ko mu bwoko bw’imiyege (fungi) kitwa Malassezia furfur.

Agahanga ku muntu urwaye indwara y'ise.

ise

Aka gakoko mu busanzwe kaba ku mubiri w’umuntu ku ruhu, gusa nta kibazo gatera mu mubiri ndetse kakaba kanafasha kurinda zimwe mu ndwara z’uruhu

Mu gihe aka gakoko gashobora kwiyongera mu bwinshi ari nabyo biza gutera indwara y’ise. Icyo gihe nibwo ku ruhu hatangira kugaragara amabara yijimye cyangwa se yerurutse bitewe n’uko uruhu rwawe rusa. Ise ikunda gufata mu gituza, ku nda, mu maha no ku bibero. Ishobora no gufata ahandi nko mu isura no kuruhu rw’umutwe.

Iyo ise ifashe mu isura yonona isura y’umuntu akaba arinayo mpamvu ihangayikisha abantu benshi bayirwaye

Ibimenyetso by'Indwara y'Ise

1. Kuzana amabara ku ruhu
2. Kwishimagura ahantu wazanye ibyuya

Ibitera Indwara y'Ise

• Ihindagurika ry’imisemburo
• Kurwara indwara z’imirire mibi
• Kurwara indwara zigabanya ubudahangarwa bw’umubiri nka diyabete na SIDA
• Ubudahangarwa bw’umubiri bwagabanutse
• Kubira ibyuya byinshi
• Kuba ahantu hashyuha cyane