George Darko

George Darko ( wavutse ku ya 12 Mutarama 1951 i Akropong, muri Gana - werurwe 2024) ni umunyagana w'umuhanzi w'injyana ya burger-highlife, umucuranzi wa gitari, umwandtsi w'amanota ya muzika ndetse akaba anahimba indirimbo, yatangiye kugaragara mu muziki mu ntangiriro ya za 1960. Darko yari azwi cyane mu myaka ya za 1970, 1980 na 1990, kandi indirimbo ze ni zimwe mu nndirimbo zihebuje kandi zihoraho mu bihe byose mu muziki wa Gana. Bamwe mubo mu gihe cye barimo Ben Brako, CK Mann, Daddy Lumba, Ernest Nana Acheampong, Nana Kwame Ampadu, Pat Thomas, n'abandi. Azwi cyane ko ari umwe mu batangije burger-highlife yifashihije indirimbo ye yamenyekanye bwa mbere yitwa "Ako Te Brofo" ("The Parrots Speak / Understand English") yasohotse mu 1983. Iyi ndirimbo ikomeje gukundwa cyane muri Gana haba mu gihugu ndetse no hanze yacyo, kandi iracyacurangwa mu gushyingura ndetse no mu birori.

Umuhungu w'umuyobozi w'ingenzi, George Darko yize mu ishuri rya Peresibiteriyeni i Akropong. Darko amaze gukinira itsinda ry'ingabo zishimisha ingabo mu burasirazuba bwo hagati, Darko yasubiye muri Gana maze ashinga itsinda rya Golden Stool Band. Mu mpera z'imyaka ya za 70 iryo tsinda ryimukiye mu Budage, aho Darko yagiye wenyine kandi ashinga itsinda ryitwa Bus Stop mu 1982. Agaruka muri Akropong mu 1988, agirwa Tufuhene wa Akropong-Akuapim mu 1991 afite izina ry'intebe (y'ingoma) ya Nana Yaw Ampem Darko . Muri Mutarama 2010, yasabwe kandi atanga imbabazi ku kinyamakuru cyari cyatangaje ibirego by'imibonano mpuzabitsina bifite aho bihuriye na we.

Disikogarafi

Album za studio

• Friends (1983, Taretone)
• Highlife Time (1983, Sacodisc International)
• Moni Palava (1986, A&B Records)
• Soronko (1988, Umuziki)
• Highlife in the Air (1994, Boulevard Records)
• Come to Africa (2006, Okoman Records)

Ibihembo

Igihembo cya VGMA Igihembo Cy'umusanzu Uhebuje kunjyana ya Hilife (2020).