Gahunda ya Tujyanemo Tugumanemo muri Rwamagana

Tujyanemo Tugumanemo,ni gahunda yihariye ishishikariza abaturage kwita ku mihigo mu Akarere ka Rwamagana.

Amateka

Umuyobozi w’Akarere ka Rwamagana wungirije ushinzwe imibereho myiza y’abaturage Umutoni Jeanne yasobanuye ko iyi gahunda yatangijwe hagamijwe kwihutisha imihigo na bimwe mu bikorwa byari bitangiye kugenda buhoro.

Agira ati: “Niba dushoje imihigo y’uyu mwaka tuyigumanemo, ariko tunajyane mu yo tugiye gutangira, iyi gahunda turimo kuyishyiramo imbaraga cyane kugira ngo buri muntu wese abigire ibye ariko ntagire naho atakarira ahubwo ajyemo kandi agumemo.”

Ibyagezweho

Mu karere ka Rwamagana muri uyu mwaka w’imihigo wa 2022/2023 bafite imihigo 107 iri mu byiciro bitatu by’ingenzi ari byo ubukungu, imibereho myiza n’imiyoborere.