Ashimwe Dominique
Ashimwe Dominique uzwi ku mazina ya Dominick Nick, yavutse ku itariki ya 10 Ukuboza 1986. Ni umuhanzi w'indirimbo zihimbaza Imana ndetse n' iza gakondo, avukira i Gisenyi, ubu ni mu ntara y’uburengerazuba. Ni umwana wa mbere mu muryango w’abana 6. Se yitwa Mbonigaba Anselme naho nyina ni Kamashyuza Veronique.[1] Dominick Nick yakuze aririmbana na bagenzi be biganaga, ayobora amatsinda yo kuramya no guhimbaza Imana mu bigo yigagamo, akaba ari umuhanzi ufite indirimbo nyinshi zizwi nka :
1.Inshuti nziza
2.Nemerewe kwinjira
3.Ntihinduka
4.Ntacyadutanya
5.Ingoma
6.Nditabineza
7.Ineza
8.Arikumwe na twe
Ibihembo yegukanye ni Moriah Entertainment Group cy’uko Album ye "Ari kumwe Natwe" yabaye iya mbere mu kwezi kwa Nyakanga muri enye zahatanaga.Yegukanye ikindi gihembo cyitwa Salax Awards, nk’umuhanzi w’indirimbo zihimbaza Imana witwaye neza mu mwaka wa 2010. Ibi bihembo bitangwa na Ikirezi Group.[2]