Anne Marie Kantengwa

Anne Marie Kantengwa ni rwiyemezamirimo w'umunyarwanda akaba ari umuyobozi mukuru wa Hotel Chez Lando.

Ubuzima n'Umwuga

Amaze kurokoka itsembabwoko ryakorewe abatutsi mu 1994, yacitse intege cyane atakaza icyizere cyo kubaho Nyuma yuko hafi ya bose mu muryango we bishwe. Mu 1996, Kantengwa ni bwo yafashe umwanzuro wo gutangira kuvugurura Hotel Chez Lando, iyo hoteri ikaba yarashinzwe na musaza we Ndasigwa Lando wishwe muri Jenoside. Louise Mushikiwabo wahoze ari Minisitiri w’Ububanyi n’Amahanga w’u Rwanda ubu akaba ayobora Umuryango w’Ibihugu bikoresha Ururimi rw’Igifaransa, La Francophonie akaba murumuna wa Anne-Marie na Lando, yafashije mukuruwe kubyutsa iyo hoteri na resitora. Muri 2001, ubucuruzi bwa Kantengwa bwatangiye gutera imbere arinako yatangie kwegera no gufasha abantu batishoboye barimo imfubyi n'abapfakazi ba Jenoside. Nyuma y’imyaka ibiri kuva mu 2003 kugeza 2008, yatorewe kuyobora Inteko Ishinga Amategeko (Lower Chamber of Parliament) mbere yuko asubira kwibanda ku bucuruzi bw’amahoteri kugeza uyu munsi. Ku butegetsi bwe muri hoteri y’umujyi, Kantengwa yagize uruhare runini mu iterambere ryayo nk'uko byemejwe na Jean Marie Vianney Gatabazi, minisitiri w’ibanze.

Ibihembo

Binyuze muri porogaramu ya Peace Through Business, Kantengwa yahawe igihembo cy’umuyobozi mwiza wa 2021 wateje imbere hotel ayoboye.Ni igihembo cyatanzwe n’Umuryango uteza imbere ba rwiyemezamirimo b’abagore ‘Institute for the Economic Empowerment of Women: IEEW’