Bushali

Kuri uyu wa 12 Mutarama 2024 ni bwo Bushali yahawe ikaze mu biro bya Minisitiri Dr Abdallah Utumatwishima, bakaba baganiriye byinshi ku muziki w’uyu muhanzi, ndetse yemererwa ubufasha muri gahunda arimo zo kumurika album ye ‘Full Moon’, izajya hanze mu minsi iri imbere.

Minisitiri Utumatwishima yabwiye uyu muhanzi ko nka Minisiteri ayoboye, biteguye gukora ibishoboka byose bagafasha abahanzi.

Bushali waririmbye mu gitaramo cyo kumurika album ya Yago mu kwezi gushize, ubwo yari avuye ku rubyiniro yabajijwe niba yari azi ko mu bo yaririmbiye harimo na Minisitiri w’Urubyiruko, asubiza ko ntabyo yari azi ndetse avuga ko yifuza ko bazahura.